宁德市图书馆

上周日头出山来，周了日头落界背，
  日头落山没几久，好结姻缘介早来。
  上周日头出山行，周了日头落界岭，
  日头落山没几久，好结姻缘介早行。
  日头日日东边上，晒到我郎晒到娘，
  六月天时花难采，杨柳树下去歇凉。
  日头日日东边倚，晒到我郎晒到你，
  六月天时花难采，杨柳树下去歇荫。
  日头出山亮来光，单身行路手脚酸，
  一人行路没话讲，仔细想起心唔甘。
  日头出山亮来迷，单身行路手脚痹，
  一人行路没话讲，仔细想起暗心气。
  日头日日东边上，日头唔会晒坏娘，
  春来晒草草会大，冬来晒草草茫茫。
  日头日日东边倚，日头唔会晒坏你，
  春来晒草草会大，冬来晒草草迷迷。
  日头日日东边上，日头乃会晒坏郎，
  出下日头落下水，独到一身受寒当。
  日头日日东边倚，日头乃会晒坏你，
  出下日头落下水，独到一身受寒痹。
  日头洪洪晒人威，刀钝茅颈砍唔碎，
  汗水溜溜变成盐，细时爷母弄得威。
  日头洪洪晒人暖，刀钝茅颈砍唔断，
  汗水溜溜变成盐，细时爷母弄得难。
  六月日头似火赤，有钱唔肯买伞遮，
  闲时有钱唔肯买，今日没钱又来赊。
  六月日头似火塘，有钱唔肯买伞凉，
  闲时有钱唔肯买，今日没钱来赊账。
  当初日头十二个，晒死黄茅白斜斜，
  李宝放箭来射死，留个明月照世界。
  当初日头十二行，晒死黄茅白茫茫，
  李宝放箭来射死，留个明月照四乡。
  日头甲月俩姐妹，一个落山一个来，
  郎是日头娘是月，难得两人共路来。
  日头甲月俩亲情，一个落山一个行，
  郎是日头娘是月，难得俩人共路行。
  日头上高水上船，大富贤嫂我没缘，
  肩头担痛脚行跪，手巾擦汗两头串。
  日头上高水上坝，大富贤嫂我没妻，
  肩头担痛脚行跪，手巾擦汗两头迷。