宁德市图书馆

一
  细妮细，细妮啧咀引风台，
  高山大树拗尽了，矮山垂柳拖到泥。
  二
  黄竹剖篾缚柴爿，阿姐嫁去远天爿，
  阿弟骑马看阿姐，看见阿姐快活仙。
  黄竹剖篾缚柴头，阿姐嫁去远遥遥，
  阿弟骑马看阿姐，看见阿姐快活头。
  三
  眉毛弯弯遮眼边，目睛圆圆好睇见，
  鼻筒长长好嗅味，嘴巴阔阔好发声。
  头脑圆圆主五官，耳裙①弯弯好听声，
  脚肚长长好走路，手肚弯弯好耕田。
  四
  谷公鸟②，叫啷啷，谷种落泥田未荡，
  外婆讲我怪难大，三年过了大人王。
  谷公鸟，叫啷啷，谷种落田天天长，
  外婆讲我都没大，三年过了大人相。
  五
  布妮仔，布女流，头毛佝虬鼻涕流，
  虱娘梳来卤缸仔，虱蛋梳来打缸油。
  六
  黄梅雀，尾留叉，一条路子到梅溪，
  男人出来打花鼓，女人出来做猴戏。
  七
  日头落山寮里黄，牛娘带仔走岭上，
  牛娘四奶带一仔，鸡娘没奶仔成行。