宁德市图书馆

送郎转，出大门，心肝忖郎闷闷痛，
  郎那讲转总是转，牙头硬去都没问。
  送郎转，透岭尾，娘今忖郎好乞亏，
  三岁孩儿失开乳，东海大船失开桅。
  送郎转，隔山站，千句言语吩咐你，
  有闲也要过来看，无闲也要望山势。
  送郎转，过条坑，一时分散两天边，
  有人行过我都念，十人行过九人看。
  送郎转，过个桥，望落潭底水渺渺，
  粗糠与郎打成绳，回转郎涕娘也涕。
  送郎转，过条河，脚手来酸地下拖，
  来时那行半昼路，转时三日路中坐。
  娘今与郎喊分散，一时分散痛心肝，
  儿时再与娘相会，又等明年三月三。
  分散郎了也莫愁，你那会来我会到，
  手折杨柳做记号，七月未到八月到。