宁德市图书馆

男：娘若忖郎义姐妹，劝娘郎寮切莫来，
  郎奴乞食一样样，你娘来义过人咀。
  娘若忖郎义姐兄，劝娘郎寮切莫行，
  郎奴乞食一样样，你娘来义败名声。
  女：有柴烧火烧龙支，冇油点火点篾丝，
  心忖你娘双照顾，劢晓你娘怪有意。
  冇柴烧火烧草蒙，冇油点火点篾囊，
  心忖你娘双照顾，劢晓你娘有忖郎。
  男：好去打麂麂有来，好去搭船水又退，
  生份表妹冇碰着，会熟表妹来了来。
  好去打麂麂又跳，好去搭船水又燥，
  生份表妹冇碰着，会熟表妹交了交。
  女：有柴烧火烧龙支，冇油点火点篾丝，
  甘舍吃菜去做佛，我郎覅使受娘气。
  冇柴烧火烧草蒙，有油点火点篾囊，
  甘舍吃菜去做佛，我郎覅使来靠娘。
  男：好去打麂麂有来，好去搭船水又退，
  娘情冇乇到郎份，覅使撩郎满山来。
  好去打麂麂又跳，好去搭船水又燥，
  娘情有乇到郎份，覅使撩郎满山跳。
  女：郎讲话言怪好听，好像柴刀破竹爿，
  咀上讲话甜成蜜，咀讲浩缘忖别兄。
  郎讲话言好声音，好像杭州人弹琴，
  咀上讲话甜成蜜，咀讲浩缘忖别人。
  男：苦竹苦竹苦涟涟，出世有见母头面，
  出门入门有母喔，忖着有母苦黄莲。
  女：苦竹苦竹苦呀呀，苦竹出世无见爷，
  你若有爷我冇母，桃花甲竹也合耶。
  男：你娘好命会做官，我郎命歹做田园，
  你娘命好吃白米，我郎命歹吃薯汤。
  番薯奴米一样贵，莫奴番薯打乞亏，
  番薯做粗吃会饱，糯谷造酒食会醉。
  女：一行凳仔二尺四，两人共凳坐一支，
  郎坐高凳有代紧，娘坐矮凳纳着你。
  一行凳仔二尺三，两人共凳坐一行，
  郎坐高凳冇代紧，娘坐矮凳纳着郎。
  男：交杯落地声朗朗，梅花落地就反上，
  竹做交杯拔全假，覅是拔阴就拔阳。
  交杯落地声铃铃，梅花落地就上身，
  竹做交杯拔全假，覅是拔阳就拔阴。