宁德市图书馆

男：有那缸，有那盖，有影正会讲得来，
  石古冇捭劢出草，石古捭裂草生堆。
  有那盖，有那缸，有影正会被人传，
  石古冇捭劢出草，石古捭裂草生长。
  女：石古捭裂生草蔸，你郎从小会造谣，
  有影又讲真巴巴，我娘有角给你摇。
  石古捭裂草生青，你郎惯是造谣兄，
  有影又讲真巴巴，我娘冇角给你扳。
  男：娘讲我郎会造谣，郎睇你娘真皮条，
  三铺路外娘有走，井内蛤蟆见未到。
  娘讲我郎造谣兄，郎睇你娘真野蛮，
  三铺路外娘有走，井内蛤蟆有见天。
  女：行路要行路中心，有缘要交聪明人，
  好像八月仲秋饼，也有馅仔夹中心。
  行路要行路中央，有缘要交聪明郎，
  好像八月仲秋饼，也有馅仔夹中央。
  男：有缘也忖交一个，也忖交个使使咀，
  前轮交个二百五，怪轮交个半老盖。
  有缘我郎也忖交，也忖交个扫扫楼，
  前轮交个二百五，怪轮交个晒未燥。
  女：十蔸蕹菜十有心，十个女子九有形，
  你郎要拣聪明女，搦饭去寻有定寻。
  十蔸贵芝十冇头，十个女子九个嚣，
  你郎要拣聪明女，搦饭去寻寻劢到。
  男：西天佛仔会显灵，你娘念经佛覅信，
  怪生阿妹会得道，松柏斫掉会抽心。
  西天佛仔会显声，你娘念经佛覅听，
  怪生阿妹会得道，松柏斫掉会复生。
  女：泥塑佛仔柴做正，你郎有求会显声，
  日间求佛夜托梦，声声都喔你郎名。
  泥塑佛仔柴做心，你郎有求会显灵，
  日间求佛夜找梦，声声都喔郎个人。