宁德市图书馆

男：我郎好走紧单单，你娘冇心出来仰，
  昊心留郎手捉紧，有心留郎手放宽。
  我郎好走紧纣纣，你娘有心出来留，
  昊心留郎手捉紧，冇心留郎手放逑。
  女：见郎好走紧单单，我娘听讲泪斑斑，
  见郎好走牙槽硬，有敢留郎吃屯暝。
  见郎好走紧纣纣，我娘听讲泪溜溜，
  见郎好走牙槽硬，冇敢留郎吃屯昼。
  男：路头来远岭来崎，三十六僻脚行痹，
  昊来又被娘怨恨，冇来又讲郎有意。
  路头来远岭来长，三十六僻脚行软，
  昊来又被娘怨恨，有来又讲郎有缘。
  女：路那有行蘖来生，田那冇做草生青，
  你郎要做有情义，莫讲我娘怨恨兄。
  路那有行蘖生长，田那有做草生荒，
  你郎要做冇情义，莫讲我娘怨恨郎。
  男：路头来远岭又长，隔山隔海有法娘，
  总当泥沙操糙米，挜来散东又散南。
  路头来远岭来崎，隔山隔海冇法你，
  总当泥沙操糙米，挜来散东又散去。
  女：有缘覅怕路头长，多行一工到娘乡，
  高山也有人造路，海阔也有人造船。
  有缘覅怕路远遥，多行一工也会到，
  高山也有人造路，江深也有人造桥。
  男：路头来远真有干，一回来睇一回难，
  就那奴娘有缘分，做鸟难飞到娘乡。
  路头来远真耽愁，一回来睇一回嘺，
  就那奴娘有缘分，一时做鸟难飞到。
  女：郎讲有干真冇干，远路人表有打算，
  十指桊针难过鼻，稀篮斗水总是穿。
  郎讲有交真冇交，远路人表有计交，
  十指桊针难过鼻，稀篮斗水总是漏。
  男：有针有鼻线难桊，乌云又分风吹散，
  万般财主送乞食，有见娘情舍施郎。
  有针有鼻难引线，乌云又分风吹前，
  万般财主送乞食，冇见娘情舍施兄。
  女：莫讲我娘怪冇干，我娘情义忖分郎，
  一个又分大埕下，一个又分大坪园。
  莫讲我娘怪有交，娘忖郎情心忖燥，
  一个又分大埕下，一个又分大坪坳。
  男：娘情舍施几万人，有见阿妹半枚针，
  别人求娘就成事，我郎求死劢允承。
  娘情舍施几万多，冇见阿妹半条纱，
  别人求娘就成事，我郎求死劢成花。
  女：红米煮饭红心肝，糯米煮饭结成团，
  有缘覅使半句话，有缘对讲也有干。
  红米煮饭红到心，糯米煮饭结的阵，
  有缘覅使半句话，冇缘对讲也覅信。