宁德市图书馆

男：禾仔播落冷水头，冷水播禾难转蔸，
  娘若愿做笼内鸟，你是人双郎难谋。
  禾仔播落冷水田，冷水播禾难转青，
  娘若愿做笼内鸟，你是人双郎难成。
  女：千江万水来寻郎，劢晓你郎怪冇缘，
  今晡有缘有寻着，好似上京考冇官。
  千江万水来寻兄，劢晓你郎覅仰前，
  今晡有缘有寻着，好似上京考冇名。
  男：娘若有缘郎有意，再讲冇缘也在你，
  娘情若浩到郎份，郎情也肯照顾你。
  娘若有意郎有缘，再讲冇缘也在娘，
  娘情若浩到郎份，郎情也肯照顾娘。
  女：一树白花在高楼，脚长手短采劢到，
  日间做蜂也难采，夜间做窃也难偷。
  一树白花在高山，脚长手短采劢成，
  日间做蜂也难采，夜间做窃也难拿。
  男：蜂仔采花两脚黄，飞落娘身采花香，
  蜂若见花就要采，冇个空手转回乡。
  蜂仔采花两脚青，飞落娘身环三环，
  蜂若见花就要采，有个空手转回行。
  女：穷人养女真冇干，书堂有乇分娘上，
  冇读孔子文章字，劢晓人情答待郎。
  穷人养女真冇医，书堂冇乇分娘跂，
  冇读孔子文章字，劢晓人情答待你。
  男：娘是南海似观音，难等观音来做阵，
  观音生好是泥墩，覅会做郎身边人。
  娘是南海观音坯，难等观音做阵来，
  观音生好是泥墩，覅会做郎身边妹。
  女：娘若忖郎郎忖我，心肝好像刀仔贲，
  阴阳只隔一层纸，两人来忖双泪汰。
  郎若忖娘娘忖你，心肝好像刀子钜，
  阴阳只隔一层纸，两人来忖双泪铺。