宁德市图书馆

（以下假设女方先唱）
  女：唱那不赢讲也赢，坑边娄竹压桶筐，
  讲那不赢无你转，门前大路无你行。
  男：门前大路无你行，紧紧拜郎做先生，
  我是师傅你徒弟，教你一诀就会赢。
  女：大讲师，我爹在朝做皇帝，
  我哥朝中做宰相，我弟广东做提台。
  男：阿妹大讲我不信，你讲你爹在朝廷，
  你哥那会做宰相，缘何又嫁我穷人？
  女：大讲多人听，树皮剥来当长衫，
  笋壳捡来作纱帽，竹片掏来作船摊。
  男：大讲娘，讲条甘蔗九斤糖，
  讲斗糯米九担酒，讲条鸡公九人扛。
  女：你郎大讲我不信，一顿要食九米升，
  问你米升几多大？米升内里躲个人。
  男：大讲娘，讲条蚯蚓九人扛。
  讲头鸡公九担肉，讲个石卵会泅潭。
  女：大讲兄，讲条松柏直透天，
  会锯九万九丈板，树尾扛转烧三年。
  男：我要大讲也是卖，我寮布娘八九个，
  也有舀汤掼脚桶，也有点火去掼鞋。
  女：大讲兄，你寮布娘我看见，
  你寮布娘流鼻水，鼻水流落用舌舔。
  男：叫我大讲我不城，我寮布娘一大营，
  个个行来面又白，过赢你母十八年。
  女：你郎大讲我不听，昨日里里你寮行，
  楼上一张烂交椅，灶头一个烂勺片。