佛山市图书馆

甲：（作从家內出門口赶鷄状，乙撞上）老苏、快帮手截住只鷄，（作捉到介），几乎走鷄，老苏，入来坐坐，飲杯茶。
  乙：（入門作插鼻）唔乜咁臭架？
  甲：系呀，呢牌养的鷄，鷄屎臭啫。
  乙：啊，原来你养左咁多鷄呀，咁肥添，喂老黄，五月节整番只得挂？
  甲：有乜所謂，得。之咁，有条件噃。
  乙：俾錢你啫。
  甲：点止，第一、（四只手指）人地买四鷄八，你老友鬼鬼，四鷄，第二、（細声）米票50斤。
  乙：嘩，乜咁犀利，耍米票做乜。
  甲：唔要返米票点得，我的鷄食呢？我的鷄全靠食米。
  乙：乜你搵米养鷄？你边度得咁多米？
  甲：梗有，我28斤，我老婆28斤，我个仔20斤。
  乙：咁够你食啫。
  甲：你唔知，我有办法，见你老友至話你听，找窍門。
  乙：新聞。
  甲：我以前老婆仔女拉队去食飯，上茶楼，唔收米票，整得一头半个月，剩左几十斤米。
  乙：近来茶楼收米票，你又点？
  甲：有困难有办法，去賖。乙：去粮局呀？
  甲：唔系，去亲戚朋友处，喊咁口：我屋企唔够米食，唔該整住三五七十斤。
  乙：老面皮。
  甲：跪地喂猪乸，睇我份上，都要架，重有呀，叫我个仔返乡下。
  乙：返去做乜？
  甲：食飯罗，乡下已埋公社，实行食飯不要錢，保証三餐干飯，菜好飯香。
  乙：关你乜事。
  甲：你唔知，我老母在乡下，已入公社，公社大集体，小自由，可以拿飯囘家吃，搵只節，整佢一節，返去点食都得，我呢边又剩伍米票，我又慳返伙食費，重收益，我个仔而家又肥又白添，剩返的米，喂鷄，你話使唔使得嘞。
  乙：咁你剩返的米来喂鷄，唔系好浪費？
  甲：乜浪費，的米唔使錢买架？你一定是少学习定嘞。
  乙：点解？
  甲：我响应国家号召，大力发展养鷄：同时，誰不知昨年我国农业生产翻一番有多，凡时先食得晒？
  乙：有錯，我地虽然大丰收，但系要精打細算，防备荒年，我地应該吃飽不浪費，才能确保过好日子，你的米，俾鷄食，的农民大哥終年辛苦的果实，俾你浪費，不但損害左工农联盟，严重的是打乱国家計划，影响社会主义建設。
  甲：你講落也有理，但的鷄又点，咁唔系哭得一场落。
  乙：又唔使咁，幷唔系叫你唔养鷄，不过叫你唔好用主粮做飼料，可以另外想办法，将的菜头菜尾，洗米水咁样就得。
  甲：你講得对，你番說話非常有理，我以后唔用主粮喂鷄，咁多鷄我准备卖部分給收購站。
  乙：对嘞！（完）