佛山市图书馆

公共食堂好，公共食堂好，人人亲身体会到，唔信你問問亚刘二嫂。究竟点好法？佢会講出一大套：講起以前未办起食堂，二嫂佢成日都周身系家务，嗱！日日四更就要起床，担水黎到洗鍋灶。煑完猪哨又担猪糟，天都未光又要洗尿布。个处茶又滾，但粥粉又未煲。大虾喊亚媽，細苏又要佢黎抱，几个一齐醒，眞系忙坏亚二嫂。煑过一餐飯，时間又唔早，掉低大虾在家內，背起細苏赶住去割草。刚刚割了二、三十斤，又怕亚苏佢亚爹返来会餓肚，煲熟左个撑（鍋）飯唧，赶住烧水同仔女洗澡，碗碟已洗完，儿女衣服又要补。搞到半夜三更，眞是疴屎都唔行得开半步。佢丈夫是主要劳动力，当然一心把生产来搞好，家中人手少，只靠二嫂一个人来做。社中生产热潮高，亚二嫂眞想去出勤，家务纏身使佢最煩脑。自从办起人民公社，二嫂欢欣又鼓舞。“三化”实行后，但拍手猛叫好。办起公共嘅食堂，便利又兼省柴草，人力物力得节省，副业生产搞得好，伙食統一搞，有葷又有素，又有幼儿园，同佢带細路，家务劳动社会化，自此以后佢有左煩恼。刘二嫂佢一条心，夫妻二人在生产战綫来比武，收工一齐到飯堂，唔使錢又兼好味道，齐心办好人民公社，幸福生活一天天更美好。