赣州市图书馆

冬至数九歌一九二九南风柳飕，三九四九推车冰上走，五九六九亲家相见不出手，七九八九黄河看柳，九九八十一，田中戴箬笠。
  跌苦歌月光光，光灼灼；〓跌苦，你安乐。食又冇食，着又冇着；年年拼命做，总住烂屋壳。再好学堂〓冇分，教〓穷人瞎眼棍；再好女子冇钱讨，教〓穷人打单老。天啊天！越思越想越可怜；事业冇钱做，年年来耕田。六月晒日头，穷人做马牛；田上谷一收，税富做贼头；背上一把秤，来把租谷收；谷子量得快，东君冇话头；穷人一哇话，翻转哈蟆头；句句讲恶话，由佢税富头。冇奈何，冇奈何！量了一箩又一箩；量了田税并利谷，做了一年又呵嗬！ 莫伤心，莫伤心！穷兄穷弟爱同心，穷姐穷妹爱团结，同心团结来革命，打土豪，斩劣绅，杀他一个不留情。
  十话哥十回妹妹一话哥，妹话你，莫定共产你定哩，你个脾气爱改过，改过脾气带娇妻，情愿食粥唔话你。
  哥一回妹，莫阻挡，〓定共产理应当，唔定共产冇食着，一定共产有风光，哪有情愿食粥汤。 妹四话哥，想清来，税富老崽多钱财，有钱能买生人胆，佢会搬到大兵来，大兵一来真该煨。
  哥四回妹，哥话你，再多大兵唔怕佢，佢个大兵打唔得，冇〓穷人咁敢死，一支红旗吓死佢。
  妹五话哥，莫乱为，恐怕败了唔敢归，郎在外边妹在家，敌人日夜讲捉“匪”，唔得年头到年尾。
  哥五回妹，心爱坚，莫急哥哥在外边，哥在外边来革命，革命成功出头天，夫妻终究有团圆。
  妹六话哥，爱商量，现在眼下冇食粮，唔讲共产有转借，一定共产又闭仓，好比雪上又加霜。
  哥六回妹，你莫慌，莫怕税富来闭仓，唔怕税富唔肯借，穷人团结会破仓，蚊帐做肚任你装。
  妹七话哥，爱学精，你唔共产还有人，万一中间有长短，共到再多当闲情，告〓生活靠哪人？ 哥七回妹，你莫惊，共产一定要实行，参加共产〓有责，打倒土豪把田分，穷人有地日子红。
  妹八话哥，理有差，共产还有分上下，你又唔认一个字，大权印把你冇抓，还嘿给人做牛马。
  哥八回妹，你莫惊，共产又冇分高低，男男女女都一样，贫贫富富推平哩，万事交给穷人理。
  妹九话哥，妹心开，去定共产理应该，到底共产有几好，总爱请哥讲出来，哥哥革命妹会来。
  哥九回妹，笑呵呵，共产好处实在多，日里唔愁冇饭食，夜里唔愁冇被窝，自由平等快乐多。
  妹十话哥，心花开，〓今邀到妇女来，组织妇女来革命，唔想发财唔想家，一心创造幸福来。
  哥十回妹，哥心欢，家事本来冇相干，妹妹喜欢来革命，哥妹一起去上阵，革命一定会成功