宁德市图书馆

假装快乐歌蛮唱，身上没件好衣裳，
  千句怨语记在肚，肚中怨语莫去想。
  假装快乐歌蛮记，身上没件好衫衣，
  千句怨语记在肚，肚中怨语莫去气。
  歌子多年未曾唱，想着歌子尽大忘，
  唔知歌头落先起，唔知歌尾落先唱。
  歌子多年未曾记，想着歌子大忘去，
  唔知歌头落先起，唔知歌尾落先去。
  歌子唔唱乃爱唱，想起歌言是文章，
  歌言唔会乃爱学，出门唔会受人当。
  歌子唔唱乃爱记，想起歌言是文诗，
  歌言唔会乃爱学，出门唔会受人气。
  歌子好唱难起头，木匠难起八角楼，
  打铁难打石狮子，龙船难雕鲤鱼头。
  歌乃唱好有人回，船乃落水有人开，
  花乃开好有人采，大路平平有人来。
  歌乃唱好有人听，船乃落水有人撑，
  花乃开好有人采，大路平平有人行。
  歌言乃是娘先唱，我郎没奈唱还娘，
  歌言句句记落肚，记落肚内好文章。
  歌言乃是娘先回，我郎没奈唱来回，
  歌言句句记落肚，记落肚内好文才。
  歌是山哈写文章，大细男女都爱唱，
  什人唔学山哈歌，恰似细子断书堂。
  歌是山哈写文诗，大细男女都爱记，
  什人唔学山哈歌，恰似细子断书皮。
  幼嫩鸟子飞坑头，肚内没歌心内愁，
  肚内没歌仔细想，想条歌子改心头。
  幼嫩鸟子飞坑背，肚内没歌真该爱，
  肚内没歌仔细想，想条歌子改心开。
  歌乃唱到介边上，眼看贤嫂生何相，
  贤惠小娘会唱歌，没个郎子唱赢娘。
  歌乃唱到介边行，眼看贤嫂生得精，
  贤惠小娘会唱歌，没个郎子唱得赢。
  好来郎度唔使愁，郎度没个唱歌蔸，
  郎度没个唱歌鬼，唔会拿娘受亏头。
  好来郎度唔使惊，郎度没个唱歌精，
  郎度没个唱歌鬼，唔会拿娘受寒冷。
  好久未曾听歌言，听条歌子改心宽，
  歌言唱起是明理，千万莫分歌打断。
  好久未曾听歌回，听条歌子改心开，
  歌言唱起是明理，千万莫分歌打开。
  葛藤开花叶大张，爷娘有歌未教郎，
  爷娘有歌未教子，今晡出门欠歌账。
  葛藤开花叶大个，爷娘有歌未教我，
  爷娘有歌未教子，今晡出门欠歌债。
  歌子好长难开嘴，食盐担到路难来，
  转弯深塘鱼碰水，歌言宽宽唱来回。
  歌子好长难开声，食盐担到路难行，
  转弯深塘鱼碰水，歌言宽宽唱来听。
  假歌唱起假歌回，百杂歌子唱来对，
  歌言句句七个字，句句唱来郎都爱。
  假歌唱起假歌还，百杂歌子唱来听，
  歌言句句七个字，句句唱来郎都领。
  歌言丙寅年出世，唔会行路拣来背，
  歌言句句七个字，我也唔唱你唔知。
  歌言丙寅年出声，唔会行路拣来拿，
  歌言句句七个字，我也唔唱你没听。
  唱歌问你唱歌兄，什人起寮没起厅，
  什人阜娘没养子，什人寮内没亲情。
  唱歌问我唱歌兄，鸟子起寮没起厅，
  尼姑阜娘没养子，和尚寮内没亲情。
  造歌贤嫂造得难，写歌郎子手写酸，
  背歌贤嫂腰骨软，直直背透我郎家。
  一条歌子三斤重，提来提去手提痛，
  提分岭头树尾上，挂分树上丫挂弓。
  一条歌子三斤半，提来提去手提酸，
  提分岭头树尾上，挂分树上码挂断。
  烧火乃爱火炉塘，唱歌乃爱好声腔，
  唱歌乃爱声音好，声音唔好得罪娘。
  烧火乃爱火炉深，唱歌乃爱好声音，
  唱歌乃爱声音好，声音唔好得罪人。
  唱歌贤嫂唱出心，寮内乃何身边人，
  紧紧唱条爱去转，安乃唔转母骂人。
  唱歌贤嫂唱出相，寮内乃何身边郎，
  紧紧唱条爱去转，安乃唔转母骂娘。
  想起唱歌唱唔成，身上尽是苦瓜拼，
  蜡烛挂得几百眼，香子插得几百行。
  想起唱歌唱唔来，身上尽是苦瓜胎，
  蜡烛挂得几百眼，香子插得几百对。
  我郎没歌你莫撩，撩得郎肚作心焦，
  管家郎子唔学歌，我郎没歌透娘寮。
  我郎没歌你莫唱，撩得郎肚作心茫，
  管家郎子唔学歌,我郎没歌透娘乡。
  弄娘唱歌隔重山，隔重山背仰唔现，
  隔重山背仰唔现，仰唔现是我同年。
  弄娘唱歌隔重背，隔重山背仰唔来，
  隔重山背仰唔现，仰唔现是我头对。
  你娘好考郎肚财，我郎未出三门背，
  从少介大未念歌，叫郎尽做唱唔来。
  你娘好考郎肚边，我郎未出三门前，
  全少介大未念歌，叫郎尽做唱唔成。
  唱得好歌腾好对，一人唱起百人爱，
  一人唱起百人腾，老人床上听得来。
  唱得好歌腾好音，一人唱起百人知，
  一人唱起百人腾，老人床上好听音。
  爷乃贤了子又贤，教子唱歌尽成连，
  教子唱歌罗连里，介度来选你巧贤。
  爷乃贤了子又会，教子唱歌尽成排，
  教子唱歌罗连里，介度来选你巧会。
  爷乃愚了子又愚，教子唱歌唱唔去，
  教子唱歌唱唔转，介度乃选我更愚。
  爷乃愚了子唔会，教子唱歌唔成排，
  教子唱歌唱唔转，介度乃选我唔会。