宁德市图书馆

男：娘忖修心慢修心，世间也浩有情人，
  后生会乐样心乐，老来劢乐好冤深。
  娘忖修山慢修山，世间也浩有情兄，
  后生会乐样心乐，老来劢乐那是仰。
  女：冇好天年做大旱，旱田双双抗尔荒，
  心忖霉天做大水，雷公押倒有法郎。
  有好天年做旱灾，旱田双双抗尔晒，
  心忖霉天做大水，雷公押倒有理哎。
  男：风流二字着消除，那有消除有出事，
  怜悧也分风流害，也分风流害掉去。
  风流二字着除掉，那冇除掉有计交，
  怜悧也分风流害，也分风流来害掉。
  女：高山操石操落潭，操落潭底难浮上，
  劝郎浩话慢慢讲，莫做心肝一时狂。
  高山操石操落坑，操落潭底难浮前，
  劝郎浩话慢慢讲，莫做心肝一时癫。
  男：莫讲东来莫讲西，讲你自己事做歹，
  盐包内里来发虫，革鞋嗫噌鼻作歪。
  莫讲东来莫讲相，讲你自己事做畺，
  盐包内里来发虫，草鞋嗫蹭鼻做长。
  女：有好天年竹开花，老鼠剪禾覅做家，
  郎情有乇到娘份，覅使闲话讲怪多。
  有好天年竹落头，老鼠剪禾覅做蔸，
  郎情有乇到娘份，覅使闲话迭迭到。
  男：当前古是郎姐妹，歇久郎村娘未来，
  郎冇讲你得罪话，那囝拣恨讲出来。
  当前古是郎姐兄，歇久郎村娘未行，
  郎冇讲你得罪话，那囝拣恨讲郎听。
  女：郎若忖娘做姐妹，劝兄怪路你莫来，
  乡村来大话来杂，覅是讲兄就讲妹。
  郎若忖娘做姐兄，劝兄怪路你莫行，
  乡村来大话来杂，覅是讲妹就讲兄。