宁德市图书馆

高山平土出黄金，至今农夫不用心，
  天下四处郎行尽，都是田园中人心。
  娘洞出的好宝贝，松柏抽心郎正来，
  春来唔使油点火，冬来唔使种油菜。
  冬来唔使种油菜，娘同出的好宝菜，
  娘同又出红花纽，郎好图娘结头对。
  郎好图娘结头对，是娘同里花未开，
  不信奴娘问老大，都是有缘天送来。
  那是有缘天送来，留心等娘结头对，
  合似十五光明月，夜里出来朗山贝。
  夜里出来朗山淋，小娘从细中郎心，
  别处好花郎不想，那想娘好值千金。
  那想娘好值金银，夜来眠早眼无睏，
  生好信分天边月，信分天上月无云。
  无云遮月朗来光，生好小娘对清郎，
  合似春来竹生笋，信分竹林笋生长。
  笋那生长枝未开，油油嫩嫩中郎要，
  油油嫩嫩由郎栋，要栋同年又同岁。
  要栋同年又同岁，都是前世命带来，
  五百年前天注定，今世收来结头对。
  今世收来结头对，是郎前世命带来，
  一来是郎八字好，今好正侩中秀才。
  秀才亦要上科场，举子上京状元郎，
  命好正侩状元中，自己忖起笑忙忙。
  自己忖起笑音音，是郎前世命带金，
  皇帝赐你衙门掌，赐你衙门拜大臣。
  赐你衙门转回乡，回转家堂祭爷娘，
  赐你回转去拜祖，春秋二祭要点香。
  春秋二祭要点香，八月十五开祠堂，
  清明祭坟原祖例，二祭亦是八月长。
  笔头落纸字来真，小郎造歌字来明，
  亦有白字写上本，贤人来看莫见真。
  春秋二祭有亦有，郎今忖起笑何何，
  闲笔拿来纸上写，例是原先古人做。