三亚市图书馆

TUN DZLUS 1.Tangs kun dhin houx Dhuus cop neix ueks neix Rom cop houx qix loux tax bhaeis Rix houx guis max dhis dzius kaen Dhuus cop nyaen ueks neix Houx guueng guis qix bhi dzius niens Qix rueng houx bhi dzius pas qien congx Bhi dzius max tongx muux rueng Qix houx bhi dzius max bhueng guu loengs Qi bhi dzius max tongx muux Nyoengs Nus max loux max dhin zas dziu rux dhouspas 2.Tangs kun dhin houx Houx rien max bhuuenx houx leuu Ca rueis max cop ueks neix Rix rom cop max loux tax bhaeis Rueng houx guix max bhi dzius kaenTangs kun dhin houx Qix dhuus cop nyaen ueks neix Lo houx qix max ngop muux rueng Houx guis max bhi dzius niens muux Tangs dzuuek houx he Puns dzius houx rix max gut bheuu ha Bhuuenx houx he Houx qix max kuis puns gas bheuu gueng Rix tangs dzuuek houx he Ngop tun muux qix rueng bhaenx zens Tus cop max pens eemx luuemx Houx coenx dhous max guu daix veengs houx Lo tuum cop rix pens eemx peengs muux Houx coenx dhuus max guu daix hu Bhuuenx houx tus moux max eengs eemx luuen 3. Tangs kun dhin houx Houx dhis zas rien bhuuenx houx leuu Ro qix ca ruei max cop ueks neix Rom cop houx qix loux tax bhaeis Houx zaeis ca muux mushei Quen bhuuenx houx zang goenx Jieng max aux dzuengs deeng Tangs kun dhin houx Rom cop houx loux tax bhaeis Guis zaeis ca max rix hei guen bheengRueng houx zang guen qix max aux dzuengs qins Qix bhuuenx houx he Qix ins fas laeis kuis luuep pais neuu Tangs dzuuek houx luns dit houx qix max dhueis bheuu gau Tuuens max gi dis rueng houx Ins fas qix max luuep pais cau Luns dit houx qix max dhueis bheuu muens Max gi dis bhuuenx houx Qix luns dit houx rix dhueis tuens rop Houx ngop tun max kuengsbhuuenx houx dhin Houx loux tax qix max eemx danx dousaeu qix houx ngop tun dzaeu muux rueng dhin Houx loux tax eemx danx dous eengx Houx bheengx koepp max puuengs bheuu cai Bhai aux lai meis houx dous Max gix dis bhuuenx houx Meis dous dhaens rix zaen mous Rix dous dhaens max dzoux mous kai Dzux houx dous dhas mans dai houx eengs 4. Tangs kun dhin houx Dzux houx rien muux leuu Ca ruei max cop ueks neix Muux leuu eengs pong hei Muux dzuuek guu max maei bungs guen Lo ca ruei rix nyaen ueks neix Tangs dzuuek houx Qix leuu houx eengs pong dhaensMunx rueng guu loux maei bungs feis Bhuuenx houx muux ngeis guu qix max tuuen tieu kuenx Max gi dis bhuuenx houx Muux dzang houx guas dhieu nax Bhuuenx houx he Muux dzang houx guas vax tarns Muux loux kok max gams houx nguen Bhuuenx muux rix zuen roengs ngaux Max gi dis bhuuenx houx Muux loux kok max guas houx zoux Muux rix max zuen foengx lungs Euux zungs zang ngax com Tangs kun dhin houx Rueng ngax com dhins Muux dzang houx eengs pet kuenx Bhuuenx rueng Eems qix nget com dhuis 5. Tangs kun dhin houx Dzux houx rien max muux rueng leuu Lo Zang ca ruei cop ueks neix Muux leuu houx qix eengs goms hei Tangs dzuuek houx muux guu rix maei bungs guen Tangs kun dhin houx Lo ca ruei max nyaen ueks neix Bhuuenx houx muux leuu eengs pong dhaens Qix rueng rix maeix fongs tuuekMuux dzuuek rix max zoen Rix dzang houx rix dzang eengs kuenx dhaens Tangs kun dhin houx Rix rueng dzuuek guu maeis dans Muux dzang houx eengs kuemx hei Dzax tuuen moux max fei loux uumx Bhuuenx houx eengs hei rix puuen noms dhangs Max gi dis rueng houx Qix eengs hei qix max pangs noms fun Ngop max houx tun loux zaemx 6. Tangs kun dhin houx Giu neix guu zuen bhuuenx Rueng houx muux gaeus qix max hei rax Muux pangx dheuu houx eengs eemx laeis dhong muux Houx eengs gaeus qix max eemx laeis muux Lo houx qix max laeis guu bheuux Laeis muux qix max dhong rueng dzeuux hangs Zang loux houx qix max eengs gax dhungx Tangs kun dhin houx Lo las puuen max neix nus laeis rueng houx Nus laeis rueng qix max Dzeuux lung Zang loux houx qix max eengs gax nyinx Bhuuenx houx he Houx nyinx max dhous cut riens munx Laeis bhuuenx houx takspaens dheengsTangs kun dhin houx Houx nyinx max dhous cut veengs Tangs dzuuek houx he Laeis muux takspaens ceeng cai Bhai houx pangx eemx kis Tangs kun dhin houx Bhai houx pangx eemx kis Bhuuenx houx eengs qix max dis dhis ngop Max guu dis bhuuenx houx houx max guu cop dhaens vans muux Zang max muux rueng ngans ngaeu Tangs kun dhin houx Houx qix max ngop muux rueng Houx max max cop dhaens vans muux Houx max rueng qix ngans hoek houx 7. Tangs kun dhin houx! ! Giu neix guu zuen bhuuenx houx， Tangs dzuuek houx he! Muux gaeus qix max hei rax； Pangx dheuu houx qix max eengs eemx laeis。 Tangs kun dhin houx! Gaeus qix max eemx laeis dhong， Qix lax puuen qix neix bhuuenx houx； Guueng max qix eemx laeis dhong kaux muux。Moms tongx muux qix max rueng bhaenx tun， Noms ca houx eengs dhis maeu。 Tangs kun dhin houx! Lax puuen qix max neix bhuuenx houx， Tongx houx laeis dhong maen muux， Moms tong muux rueng bhaenx tun； Noms ca houx eengs dhis zuut luei。 Tangs dzuuek houx he! Bhai houx pangx eemx kis， Ghais houx qix max pangx eemx ngop muux； Noms ca houx eengs dhis zuut luei paux。 Tangs dzuuek houx he! Zang jieng huen aux tok noms en。 Tangs kun dhin houx he! Noms ca houx rix zuut luei ren， Rueng houx zang jieng aux max tok dhangs； Pangs hei ren max dhis dzop， Gaeus ngop muux qix max rueng dhous hoek houx。 8. Tangs kun dhin houx he! Giu neix guu zuen bhuuenx houx， Rueng houx muux gaues qix max hei rax； Muux pangx dheuu houx qix max eengs eemx， Laeis dhong muux。 Tangs dzuuek hou he! Gaeus qix max houx eengs eemx laeis dhong muux，Puuen qix neix bhuuenx houx； Gaeus qix max houx eengs eemx laeis dhong kaux muux， Jieng cai max taix lam ngaen houx。 Tangs kun dhin houx he! Puuen qix neix bhuuenx houx， Houx qix max eemx laeis dhong maen muux； Jieng cai max taix lam deis houx， Uuen loux meis guu nyongs。 Tangs kun dhin houx he! Meis guu nyongs bhuuenx houx， Vuek pangx max ais dheuu ca houx； Houx uuen loux pas guu nyongs。 Bhuuenx houx he! Bhai houx pangx eemx kis， Max guu dis nyongs bhuuenx houx； Vuek pangx ais dheuu houx geek muux。 Guu bheek fas max vins fas dhoms， Ais tai houx dzip dhaens leengs muux。 Tangs kun dhin houx he! Bhai houx pangx eemx kis， Max guu dis nes bhuuens houx； Guu bheek max vins fas dheengs。 Pangx ais tai houx dzip dhaens ruuen muux， Qix houx lais max uuen dhis dzaux。9. Tangs kun dhin houx he! Giu neix guu zuen bhuuenx houx， Rueng houx muux gaeus qix max hei rax； Pangx dheuu houx qix max eemx laeis muux。 Gaeus qix max houx eemx laeis dhong Puuen qix neix bhuuenx houx Eemx dheuu hou laeis dhong kaux Jieng cai max taix lam ngaen houx Tangs kun dhin houx he Puuen qix neix bhuuenx houx Eemx dheuu houx qix max laeis dhong maen muux Jieng cai max taix lam deis houx. Uuen loux meis guu tiyongs， Pangx ais dheuu houx cas muux Tangs dzuuek houx he! Zang uuen loux pas guu nyongs， Vuek pangx qix max ais dheuu ngens Ven Ais dheuu liemx ngen timx miengx Max guu dis bhuuenx houx he! Meis nyaen max Jieng guu hun muux Dans fan max jieng dans muux Vangs jieng max hei ngoengs ha Tangs kun dhin hou he Meis nyaen max guis hun muuxAsrax aix max jieng dans rueng Muux Vans Jieng max ngoux bheuu tuuek Bhuuenx houx he Tangs dzuuek houx qix max hei ruuen hleuu Dzux eemx max meuu qiengs qieng 10. Tangs kun dhin houx he Giu neix guu zuen bhuuenx houx Rueng houx muux gaeus qis max hei rax Houx eengs qix max gaeus eemx laeis dhong Neix puuen qix max neix bhuuenx houx Gaeus qix max eengs eemx laeis dhong kaux Jieng cai taix lam ngaen Tangs kun dhin houx he Gaeus qix max neix bhuuenx houx Jieng qix max laeis dhong maen Jieng cai taix lam deis Ngens ruei cop venVoengs Tangs dzuuek houx hei Houx qix hei dhaens max Hiengs eemx max leuu dzuunx dzai Bhai houx pangx eemx kis Ngensruei cop ven kai Bhuuenx houx he Loux houx qis max hiengs eemx leuu dzuunx raus Bhai houx pangx eemx kis Bhuuenx houx heiMax qix dhaens hiengs dzai Kai rix han ghos ghos Houx duueng dhaens qix tok noms ca Tang kun dhin houx he Max guu dis bhuuenx houx Houx tuuen cut fa max ngeis Houx giu loux meis muux max Bhai houx yous dzungx ngeis Nax rien geis ris luueng Nax hei max ruuen dhuueng eemx gaeus Nax rien max hei cas aux ven Nax kueng reuu max luueng guu tas baen Tangs kun dhin houx he Nax hei max caeus nyaen Nus kueng reuu luueng dhuuep tuuek Ngop tangs dzuuek guu zuen TUN DOMS 1. Tangs kun dhin houx he Dis neix rien zoux pangx zoux Rueng duueng rux moux guu nyongs Leengs eengs guueng max zaemx cop Zas dhaei max houx ngop max hom tun Qix ngop dhaei max tun rongs Rix max guu dis bhuuenx houx Leengs eengs max guueng zaemx rongs Tangs kun dhin houx heQixn ngop nax qix max horn tun Qix ngop max qix tun roek Tun bhuuenx houx roek guas noms ca zong Bhai houx qix max pangx eemx kis ghaem dheuu hong muux rueng mans Tangs kun dhin houx he Laeis meis haux ven nyeuu Bhuuenx houx he Vuek danx max Bhieng bhieng Laeis muux eemx Jieng tongx houx eengs Qis rueng houx he Kous yous max peengshom tun houx he 2. Tangs kun dhin houx he Dis neix zoux pangx zoux Houx rueng duueng hei moux guu nyongs Leengs eengs guueng max zaemx cop Houx hei aix max ngop max horn tun muux Ngop dhaei amx tun rongs Qix max guu dis nes bhuuenx houx Leengs eengs guueng max zaemx nongs Tangs kun dhin houx he Zang ngop dhaei max hom tun Ngop dhaei max hom tun roek Laeis ruengs fix max laeis dhiengs com Bhai houx pangx eemx kisRueng houx ghais houx pangx eemx ngop muux Ngop dhaei max hom tun lom Laeis tuengs qix max pax bhieng ngaux Meis kaux houx dhin guas Liu aux ngiux rix max taix qius noms 3.Tangs kun dhin houx he Vaei noms mas caus dhaens dhong houx nei Max guu dis bhuuenx houx Houx jip max rueng muux ngeis Muux ceuus max feis max dhous guu huei Dheuu luei houx eengs loux ngaen raus Tangs kun dhin houx he Caus tai max houx eengs vongs en Bhuuenx houx he Kaet jieng aux ngen guu luengs 4.Tangs kun dhin houx he Bhuuenx houx he Dis neix rien zoux pangx zoux Rueng ha duueng rux moux guu nyongs Leengs eengs guueng max zaemx cop Dzuuek houx he Bhai hou pangx eemx kis Bhuuenx dans houx pan jieng heuu dans Muux rix max dheuu tun rongs Bhuuenx houx he Eengs guueng max zaemx nongsTangs kun dhin houx he As rax rix max jieng dans rueng houx neix Vuek pangx jiux dheuu tun pas houx nei Bhuuenx houx he Muux rien guis max doms dhuax uet Bhai houx pangx eemx kis Bhuuenx houx he Vuek pangx dheuu tun houx peengs Tangs kun dhin houx he Qis maxguu dis nes bhuuenx houx Qix rien guis max doms dhuax dheengs Asrax jiux max jieng dans rueng houx Vuek pangx dheuu tun houx tuk Tangs kun dhin houx he Bhai houx pangx eemx kis Qis ven pen max luei leek Bhuuenx houx he Rueng bhaenx tun eemx duens Houx ven pen max luei leek Tangs kun dhin houx he Qix rueng bhaenx mas eemx rou Qix tangs kun les dzax hoek Vuek pangx tuas nax pueng noms goengs Tangs kun houx nes dzax bhoeng Vuek pangs tuas houx pueng noms laengs Bhai houx pangx eemx kisTuas tangs max bhuungs vaengs hlou Vuek pangx tuas houx bhaux nguns nens 5.Tangs kun dhin houx he Dis neix zoux pangx zoux Rueng ha duueng rux moux guu myongs Houx tongx muux max zuk rok Tangs kun dhin houx he Bhai houx pangx eemx kis Bhuuenx houx he Zang jieng aux faeu dhiengs Max guu dis nes bhuuenx houx he Houx tongx muux max zongs riengs Houx jieng aux faeu cai Rueng houx he Jieng aux max faeu dhai noms Tangs kun dhin houx he Jieng aux faeu huuns coms leek Bhai houx pangx eemx kis Geek lung mas neix aens guengs Bhuuenx houx he zungs dhaens maeu noms ca Tax pa houx it dhis mens Bhuuenx houx he Dems ngop muux rueng Dzeuux jieng aux meis cop houxHoux tongx muux bhuuenx Jieng aux pas ngop ong Houx ngop dhong tangs dzuuek houx Tangs kun dhin houx he Houx ngop tuuek max cas laems Rix gaeus ngeis ngop max muux rueng Meis ven houx eemx laeis dhis ngop muux Bhuuenx hux he Meis cop houx eemx laeis dhis kamx Houx max mamx dat dhis com Tangs kun dhin houx he Qix max guu dis bhuuenx houx Houx max mamx tom dhis goux Houx eemx loux nyaeus ， houx ngeis da deuas noms ca Houx duueng puuen max raeu max laeis muux 6. Tangs kun dhin houx he Zang jieng aux faeu cuengs rom Bhuuenx hiux he Jieng aux faeu gueng luuk Jieng aux faeu max ruuk riens dhai Tangs kun dhin houx he Bhai houx pangx eemx kis Jieng aux faeu cai ngaeis nax Bhuuenx houx he Houx duueng puuen max raeu loux taus muuxBhai houx pangx eemx kis Jieng faeu cai ngaeix dhaeus Houx duuemg puuen max ra las dhat Tangs dzuuek houx he Houx bhik vat max guu los ghoux Meis rou max taen muux heuus 7.Tangs kun dhin houx he Jieng aux max guu hom miengx Bhai houx pangx eemx kis Moux guu nygongs nes bhuuenx Hei tongx houx zungs dhiengs Jieng aux maxguu hom ans Max guu dis bhuuenx houx Hei dhaens vans guu cop muu Eengs eemx ngop muux jiux ghaix Tangs dzuuek houx he Jieng ngop cax los mok Bhai houx pangx eemx kis Eengs eemx ngop muux rueng jius cok Jieng ngop max cas los—muens Bhuuenx houx he Cuuek pax dhuuk muux hong Bhsi houx pangx eemx kis Zang jieng max guu dhuens ong houx Cuuek pax dhuuk muux geengs Hwaeix koux houx eengs maxs ngop muux 8.Tangs kun dhin houx heDzang houx rien muux leuu Disneix rien qix zoux pangx zoux Rueng houx he Duueng rux moux guu nyongs Houx tongx muux zongs rok Zang jieng aux max guu hom miengx Tangs kun dhin houx he Duueng hei rux dhous pas Qis houx tongx muux zongs riengs Zang jieng aux max guu hom ans Dhaens vans max rueng guu cop Houx ngop dhaei max tun uet muux Qix max guu dis bhuuenx houx Zang tok loux max rix ren dhis puengs Qix ngop qix max tun kuengs muux Bhuuenx houx he Zang aux tok loux fuengs dhis lieng Tok loux niens qien an noms Bhai houx pangx eemx kis Zang keuu moms bhaenx luet Max guu dis bhuuenx houx Muux tuas houx rix rieus mau Keuu koux moms bhaenx laux Bhai houx pangx eemx kis Muux tuas houx qix meuu rieus duis Tangs dzuuek houx Muis kok houx qix eengs pais ninxQix eemx max guu ngaeix hieng Bhai houx pangx eemx kis Rix muis kok houx eengs hais vieng Eengs eemx max guu ngaeix as Bhuuenx houx he Cuuk dhuus max pas muux hong Tongx hleuu nong moek max Hwaeix koux houx hoek ngop muux Tangs kun dhin houx he Zang hei vans muux dhaens guu cop Bhai houx pangx eemx kis Rueng dhuk rix pas kaux uet Laeis houx hei dhaens max Vuek pangx dheuu fits houx daen Tang kun dhin houx he Bhai houx pangx eemx kis Rueng dhuk qix dhaens pas dhong maen Vuek pangx dheuu houx fits loux veengs Tangs dzuuek houx he Bhai houx eengs maeng tuuen Qis mas deuu qix muuen man houx Bhuuenx houx he Rueng danx max hei kien veengs houx Rux dzoux eengs guas neix muen Bhai houx pangx eemx kis Rueng rix duenx com kuunx houx 9.Tangs kun dhin houx he!Bhai houx pangx eemx kis， Houx gax guu cop eemx hei， Pans pangx jieng hauux dans， Rueng bhaenx gu kong man。 Bhai houx pangx eemx kis ， Houx gax guu nyaen eemx hei； Rueng bhaens max guu kong ranx。 Bhuuenx houx he! Dheuu houx eengs eemx zaemx dhaens。 Tangs kun dhin houx he! Eemx dheuu houx eengs zaemx dhaens， Bhuuenx houx he! Laeis rix bhans bhaenx tun； Bhai houx pangx eemx kiso Zang guu qix veengs tuk dans， Dhaens vans max rueng ais nyinx。 TUN COM 1. Tangs kun dhin houx hei! Dzux houx bhaenx muux leuu， Dhuuk as rax zoux dans； Zoux danx tongx houx com。 Bhuuenx houx he! Com rix doms ri ruuk。 Qix as rax zoux dans， Laeis zoux danx tongx houx dzuuek Dzuuek rix doms rix rai。kous muux rueng zoux dans， Ngaux lax ong houx tai bhik。 Hoek laeis dems dheengs， Tai bhuuenx houx qix bhik luei haus; Dhaens guu max taus raeps taix。 Laeis dhong max eix dhis peengs， Max guu dis rueng houx； Qix laeis dhong max rix bat。 Houx tongx muux nes bhuuenx， Doms gaeus max gax net ruen。 Qix houx tongx muux nes bhuuenx he! Meis muen houx tai muux bhenx， Houx bhenx ka cai loux duens。 Bhenx ka vax duens qi Tangs dzuuek houx he； Bhai muux heuus bhi ngax， Kwax kwax max lam tieu。 2. Tangs kun dhin houx he! Yous rien bhuuenx houx leuu， Dhuuk ax rax zoux dans； Zoux dans tongx houx dhuuek。 Dzuuek rux rix doms ri ri， Gu muux rueng yous kis； Dzux rux doms dhuuk max i tos nungx。 Qix max guu dis bhuuenx houx； Rux doms guu qix dhungx euu veengs; Houx tongx muux nes bhuuenx houx。Doms koms veengs pa mieux， Tangs dzuuek houx he! Doms koms guu qieux raeis dhieux noms， Kous muux rueng zoux dans， Houx tongx muux nes bhuuenx houx。 Doms koms guu qieux raeis dhieux noms， kous muux rueng aoux dans， Houx doms guu kwangx luen lis， Tangs dzuuek houx he! Doms qix guu kwangx hau duis。 Tangs kun dhin houx he! Houx tongx muux nes bhuuenx， Puuen dhuis rux rix doms cai kaeu， Puuen dhuis rux rix doms naeu luuk。 Bhuuenx houx he， Doms guu qix muuk dhaei tang。 Duueng rux hei dhous pas， Doms guu ranx dhaei huuns， Loux houx qix eengs dzuuns ngop muux。 3. Tangs kun dhin houx he! Houx rien nax rueng leuu， Dhuuk as rax zoux dans; Com rix doms rix ruuk。 Dzuuek rix doms ri rungs， Doms guu qix bungs dhuuk ngut； Doms guu ji cut ngas。Qix rueng ha rux dhous pas nes bhuuenx， Doms guu hom max lungs gas gat； Gu rueng muux yous kis。 Dheuu loux dhaus qix max cam dueng， Kous muux rueng zoux dans； Doms guu hom lungs gas gueng。 Loux euu cam guu dziengs， Bhauenx houx he! Riengs dhous puix ruuen neuu。 Tangs dzuuek houx he！ Giu mans luk loux hau， Loux euu cam guu dziengs， Bhauenx houx he! Rengs dhous puix fuuen neuu。 Jangs dzuuek houx he! Giu mans luk loux hau， Leseengs riengs puix ruuen cau。 Giu mans luk loux ngaeix， Bhuuenx houx he! Vuek max dhaens noms vong， Dzux tongx max dhong muux heuus。 TUN NGEIS 1. Dhous he dhous houx， Dhaens puuen neix dhous。 Meis guu nyongs max rux dhous he， Meis max rux dhous zuen。 Rux gaeus koepp tangs gieps ha dhous he， Meis guu nyongs max tangs gieps ha dhous he。Rux gaeus koepp tangs jieng jieng vax muens dhous he。 Gaeus cuens tangs jieng hom rui neix。 Meis dhis gaeus rien dhous he， Rux gaeus cuens tangs jieng hom mien。 Bhai rux cams tunx nguns dzux max gas guu lous， Muux pangx dhaens puuen neixo Dheuu huen dhous houx dhaux， Dheuu huen raus dhous houx tok。 Dhous ha dhous ， Muux nus dheuu hoek dhous houx dzams ghoems， Dheuu max muux roek dhous ha dhous。 Gui leuu as rux ven neix muuen ha dhous。 Leuu houx dhaens dzuengs mau rex ha dhous， Leuu houx ven neix pet dhaens ngau zaeis， Houx laeis vangs veuux rix zaen as rux dhoushe。 Qix laeis ven muux roek ha dhous， Leuu asrux ven neix muuen muux rix laeis vangs nyaen。 Guis dhungx asrux dhaens dous daen dhous。 Zaen as rux dous vengs hous， Gaeus dhuk hoek rou guu meengs dhous vienx， Duueng dhaens ven muux rueng dhous。 Muux guis rou guu dhous jien dhous cai dhous， Guu dhuk kai duen rix caeus dhous he。 Cuu dhuk kai bhaus ram dhous he， Loux pangx ais dhuk gax guu ven， Dzux max dza pen jieng gas guu ven，Dzux max dza pen jieng guu meengs dhous。 Vuek pangx max dza pen jieng guu huuep， Dzux rux max dhuuep tangs gaeus ka。 Dzux rux max dhuuep tangs naeus moux， Neix laeis ven muux roek。 Max muuen zoux ngaeus dhat， Houx qix ghap loux doengs bheeng。 Neix laeis ven muux roek， Leuu as nix ven neix muuen zoux ngaeus dheeng。 Qix ghap doengs caeus feeng hau。 Rueng houx dhaens puuen neix， Pangx ais dhuk gas guu moux。 Ais zoux gas guu ven， Hun tangs vuek ong ras。 Dzux max hun tangs vuek nax menus， Miengx hou he； Gai cas miengx houx dhin。 Vuek eemx tieus guu han。 Dhans eemx tieus guu tun， Ngeis dheuu guas muux bhaeis， Zoux houx dhous pais taen。 Leuu noms fun aux bhax， Leuu noms fax aux tok。 Rueng houx he! Aux kuis ok pen gieux， Dhuk as rax tongx houx ceuus。 Aux kuis ok pen meuus，Dhuk ax rax tongx houx fanx。 Zoux houx dhaens pais taen， Vuek puuen gax nanx aux。 Aux laeis kuis dzaeu， Dzaeu guu feeng kok hais cau， Dzaeu guu feeng kok hais dinx。 Guu feeng dzins pais vieng， Zoux houx dhaens pais taen。 Guis giu han nax neuu， Tuens muens aux dhis bhau。 Guis giu han nax cau， Tuens muens aux dhis miens。 zoux houx dhous pais taen， Tuens pen houx kuis giens nyong nax。 Nax dhis guis hong guen duis， Vuek dhis dhuis dhong ra； Vuek dhis gax dhong tet。 Leuu noms fun aux bhaux， Laeis hei loux rou meix。 Leuu noms fas aux tuk， Noms fun aux guis tuk naeus， Fun aux guis zaus nax dhak。 Zoux houx dhaens pais taen， Eemx duis max loux gaeu， Eemx mau max loux dzungx。 leuuaux ra rungs neuu， Dheuu guas ca muux bhaeis。Eemx laeis as rax tongx lau。 Eemx laeis as rax tongx nydei。 Aux vuek bhaeis nus bhoengs guu koux， Zoux eemx bhoengs zang ren. Pen houx guis zoux nyong nax， Nax guis uet raus ngens； Guis bhens tus gax koux. 4.TUN COM 男:Tangs kun dhin houx he! Houx tongx muux bhuuenx， Com rix doms rix ruuk， Dzuuek rix doms rix rungs。 Enngs op guu pungs tix， Hei kaen dis dzis lens。 Dhaens guu bhens kaeu kuuengx， Dhaens guu nuens kaeu bheuu； Hei kaen neuu dis bheeng。 Tangs dzuuek houx he， Veengs eemx max cet； Kai qix cai hoek meis pais taen。 Tangs kun dhin houx he! Rux hei uengx nyaen zuens raux， Qix laeis meis haux ven nyeuu； Qix muux leuu houx ai deuu det。 Houx rix muux rieus com， Dheuu houx rix ais deuu nung。 Tangs kun dhin houx he!Muux rix meuu rieus duis， Rix rieus koms guis guu dhun。 Laeis meis haux ven nyeuu， Laeis aux gung dhuei mun； Ru meuu rix rieus tau raei， Aux laeis go luei maei。 Tangs kun dhin houx he! Rux meuu rix rieus tau dhien， Rieus koms riens dhous dzuet。 Loux max jien luet daix， Ais qix aux rix loux dhaens raen； Bhaenx aux loux kaen ngueno Rien bhuuenx houx zuen pais cuns， Rien bhuuenx houx zuen pais dhong， Qix leuu aux rung pong rop。 Tangs kun dhin houx he! Aux rien bhuuenx houx taix duenx daeus， Qix leuu houx rueng tongx ngaeus。 Aux rien bhuuenx houx taix duenx daeus， Mau aux bhaenx guu raen dhous。 Aux qix loux houx eengs dhong ruuen， Qix aux zaen guu dza ruuen bhaenx。 Tangs kun dhin houx he! Aux bhaenx rien loux duis， Qix rux as guu lau bhe。 Aux rien bhaenx guis loux mau， Qix rux ngeis gau guu caeix。 5.女 tangs kun dhin houx he! Hauux rux guueng dhous pas。 Ru hun tangs hei nax； Ru hun tangs hei ong； Qis hun kaen rong bhaux nguns。 Tangs kun dhin houx he! Houx eengs neix vans cai tuk， Tai houx rix bhik luei haus。 Coenx dhaens paengs qix nga， Dhaens cut fa rix coenx。 Laeis cax meis rux muuen， Qix rux vaengs rien ram taens。 Duueng hei moux guu nyongs， Laeis cas meis rux dhaens。 Qix rien vaengs rux ram niu， Qix houx maxjieng liu muux eengs。 6.男 Tangs hun dhin houx he! Nes rux guueng fas rou， Eengs houx rux hun tangs hei nax。 Dis neix zoux pangx zoux， Duueng rux dhous pax； Ru hun tangs hei ong。 Rux nyits vaengs qix max tai tangs tuk， Tai houx bhik luei haus； Dhaens paengs laus rix nga。 Dhaens cut fa max rix coenx。 Koepp laeis meis rux muuen； Rux vaengs rien ram taens。Laeis meis rux dhaens； Rux vaengs rien ram niu; Gu muux yous nyungx kis。 Laeis rom rix eemx peengs max bhaeis。 7. 女 Tangs kun dhin houx he ! Pangx ais jieng guu dhun， Bhai houx pangx eemx kis； Pangx ais jieng guu lungs。 Dzux houx cat qias loux luet， Luet bhuuenx houx pet dhaeix bhung。 Eemx dheuu muux gung max dhoms， Eemx dheuu max muux geek nguns max dhaei。 Tangs kun dhin houx he! Com rix doms rix ruuk， dzuuek rix doms rix rungs， Duueng hei moux guu nyongs， Jieng maei doms guengs dhop。 Tangs dzuuek he! Guu cop doms dhaei raen， Guu nyaen doms dhaei nguen， Qix doms koms bhuen tix goengs； Doms koms dhungx euu riens。 Doms komsl koms dhungx， Doms koms dhungx euu veengs。 Doms koms dhungx euu riens， Tangs dhuuek houx he! Doms koms dhungx euu veengs，Houx rueng tongx eengs dzuuek； Qix doms guu tuuek riengs nyaei。 8. Tangs kun dhin houx he! Houx rien bhuuenx hous leuu， Muux rueng laeis zoux dans； Zoux dans tongx houx com。 Com rix doms ri ruuk， Dzuuek rix doms ri rok； Doms koms guu dzuuengx。 Doms dhous luuengx dhuuk ding， Doms meis qin ta vungs； Doms koms tungs aep dza。 Doms loux muen ma kuunx， Dzux muux heuus dhin muuen； Vuek puuen houx doms goux dhungs。 Vuek lungs houx doms goux ngaux， Doms guu tau nyaen feuus； Max muux heuus tai luenx。 Tang kun dhin houx he! Gu rueng yous dzungx kis， Dzuuek rix doms ri rai； Doms cai cuuk dhuax uet。 Goux muux rueng tongx eengs， Houx doms cai max cuuk dhuax dheengs； Kous muux tongx houx dzuuek。 Doms koms tuuek riengs nyaei， Gumuux rueng yous kis;Nyaen feuus houx rix doms dax pa。 Nyaen ma doms dhaengs ngaus， Eemx dheuu mas raus bhuu raix。 9. Tangs kun dhin houx he! Dzuuek rix doms ri fai， Doms cai hat ra laus； Muux buns raus hous guu max doms kong。 Nyaen ong houx doms gas， Gurueng muux yous kis; Nyaen nax houx doms pienx liem。 Doms pienx liem tun muens， Ngop tun kuengs max bhuuenx houx dhin； Houx doms ma goux dhuuk deeng。 Ngop run kuengs bhuuenx houx dheeng， Gu muux rueng yous kis。 Com rix doms ri ruuk， Dzuuek rix doms ri ra。 10. Tangs kun dhin houx he! Doms dhous ma luuengx dhuuk din， Doms meis qin ta vungs; Doms loux fuet max kuunx。 Dzux dzuunx muux houx vuek puuen， Vuek ruuen houx rix doms goux dhongs； Gumuux rueng yous kis。 Vuek lungs houx rix doms gou ngaux， Doms guu tau nyaen feuus; Dzux max muux rix max heuus tai luenx。Doms ueks hoep dheuu hueis， Doms gax bhueis faeux gaeu; Doms guu aeu hans gaenx。 Houx doms dhaengs hat guu muei， Dheuu bhuuenx houx ngaus luei nax。 11. Tangs kun dhin houx he ! Houx doms koms dhaengs hatguu za， Dheuu bhuuenx houx ngaus luei nax ra pen； Muux loux meis ven rix Ians hei bhi。 Coemx cuuk max vans nyiu， Muux giu cuuk vans max mans duis； Dhaens guuengx rix guis muis vong。 Houx pet rong dai gat， Dzux houx rix but guas; Houx cuis rueis max dhaens cuuk ca。 Eemx dheuu max guu dza laeis， Vuek bhaeis qix houx dheuu muux loux; Houx vuek bhaeis qix goux muux ngaus。 Dheuu muux ngaus kaen ong， Ngaus kaen ong dhans muens。 12. Tangs kun dhin houx he! Dzang houx hoekk muux leuu， Doms cai max ranx raeus rui; Nyaen nax houx doms dzieng dha。 Nyaen ma houx doms dzieng lat， Nyaen gat doms gat gueng； Nyaen mueng doms puens dzaeux。Nyaen laeu doms laeu zuk， Doms koms muk dhangx ngou； Doms koms guu rou bhoux。 Loux meis pangx dhis doms， 13. Tangs kun dhin houx he! Gu bhuuenx houx yous kis， Doms guu bungs dhuuk ngut; Doms guu ji cut ngas。 Doms guu hom max lungs gas gat， Dheuu muux loux euu cam dueng； Doms guu hom lungs gas gueng。 Dheuu muux loux dhous cam dzieng， Vuek tongx dhong muux heuus。 Doms ka las gas gat， Rix dheuu houx loux dhous bheuu； Eengs doms ka las gas gai， Dheuu loux euu cam dueng。 Eengs vuek dhaens noms vong； Max tongx dhong muux heuus。 14. Tangs kun dhin haux he! Dzang houx rien muux leuu， Muux doms tu dhenx dhuax duangx gaus； Rueng zaen max dzaus bhai mok。 Zungs leuus tai houx eengs boek nyaei， Dzang houx hoekk muux leuu； Doms guu dhaei dhenx dzemx max tuuen guen。 Tangs kun dhin houx he!Dzuuek rux rix doms dhuax hom。 Laeis com rix dons dhuax aemx， Dheuu houx faens has caep mok， Laeis tok noms dhangs max houx rix dous； Qix mas tarns tarns mous dhenx rui。 Muux yous qix faens naeus， Muux faens hei max caeus ji dxiengx。 15. Tangs kun dhin houx he! Eengs laeis qix leuu cuuk ca， Muux faens hei qix ma ji chieng； Houx eengs qix leuu cuuk hoek。 Muux foek max neix guu fans fens， Eengs gens catmax ngais hau hax； Tangs kun dhin houx he! Gu bhuuenx yous dzungx kis， Houx faens pet pas loux ong， Houx faens pet rong max bhaux goep。 Dhous hoep max dhuax riengs nyaei， Faens luei rix maei nyinx nyoengs； Houx zungs luei rix dous maei giu。 Meis liu muux goux hax， Guis loux dhaei rax jien； Rien loux dhaei rax qias。 Dhuax as dis neix gui， Eemx dhuk rui loux fans； Gu muux yous dzungs kis。 Muux faens pet has loux ong， Muux faens pet rong bhaux goep，Dhous hoep dhuax riengs nyaei。 16. Tangs kun dhin houx he! Dzang houx hoekk muux leuu， Laeis dzuuek rix doms dhuax dheengs; Eengs geek max muux gaeus dheuu。 Dhuax reuu max jieng bheuu muens， Cuens eemx laeis guu ngaeix； Muux taix dhous raeix cam van。 Ran dhous dhenx ca raeis， Vuek bhaeis qix goux houx dens。 Tangs kun dhin houx he! Muux ngens ruei rix cok ven voengs， Houx eengs hei dhaens max； Rueng dheuu dhuax fai eengs dzuuek。 Houx eengs hei dhaens max， Rueng dheuu dhuax houx loux dens dzuuek； Ngens bhai houx dzaeux dhous paengx。 Max hai mams laengx noms en， Dzang houx cuuk dhuax bheeng； Nyongx muux geek nus dheuu。 Dzongx muux geek nus dheuu。 Muux eengs vuek nes bhuuenx ， Eengs geek houx rueng gaeus dheuu; Dhuax reuu jieng bheuu ha。 Cuens eemx laeis guu ngaeix， Houx ngen cop ven kai； Houx dheuu dhaeux loux dens。Muux mens rix dzaeux loux paengx， Mas hei laengx noms en。 17. Tangs kun dhin houx he! Zoux dans tongx houx dzuuek， Dzuuek rix hei tuens muuk； Laeis dhin tun rix rux dzuuek gaeus。 Bhai rueng yous kis， Bhuuenx houx he! Naeus tun max rux nguut gaeus， Yous kuut max tun houx Ngens。 Qix max aux max tun dzaeu， Qix max auux max tun bhaenx； Muux dzuuek qix maeix keuu lungs， Dzux rux zungs tongx tangs hoekk gaengx， Zungs tongx tangs bhaenx gu; Hoekk gak gu dzak dzeis。 Hoekk gu goux meis rux leuu， Dzuuek rux hei mens tin； Dhin tun rux max dzuuek gaEus。 Nguut nga tun muux ngens。 Muux dzuuek guu max gaen liu。 Rix dzuuek guu maeis giu nungx， Houx tongx muux nes bhuuenx， Zungs dza rux hoekk gaens； Dzux rux hoekk gu dzak dzeis。 Dzux hoekk goux meis rux leuu， Duueng mx hoek dhous pas。 18. 男 Tangs kun dhin houx he! Kous hoek rux dems dheeng， Guu dans laeis tongx houx dzuuek； Dzuuek hei tuens guu tin。 Muux dzuuek guu maeis gak liu， Muux dzang hoekk muux leuu； Muux dzuuek guu maeis giu lungs。 Gu rueng yous kis ， Rux dzuuek yous kuut cai riens； Rux dzuuek yous kuut cai veengs。 Dzuuek yous kis fun pangs， Dzuuek yous kis dhangs pieux； Rux loux pa mieux pang dhongo 19. 女 Tangs kun dhin hou he! Dzang houx hoekk eengs leuu， Eemx kis kuut cai riens; Rux dzuuek yous dzungx dzeengs。 Zens meis lax bhuuenx dzeengs。 Dzuuek yous kis kuut cai veengs。 Rux dzuuek yous dzuugx roux， Tangs kun dhin houx he! Rux dzuuek eengs kis dzun， Dzuuek eemx kis fun pangs。 Dzuuek guu max hoek tangs， Dans ngaux dhuus ong rux dhis yous peengs； Dzuuek gaux dans ngaux leengs。 Rux gaux yous dzungx uuen， Dans ngaux ruuen gaux voenx；Tangs max meis coenx mas。 Tangs max meis coenx tun， Max pas tun coenx hoek。 20. 男 Tangs kun dhin houx he! Houx hoekk muux rueng leuu， Dzuuek rux hei tuens bhens； Dzang houx ngens guu homo。 Dzang houx ngens guu fax， Laeis meis haux ven nyeuu。 Aux geek muux guu meis lieng， Timx miengx guu maeis voenx。 Kous max muux coenx hoek， Kous max muux coenx hom tun。 Qien pet noms dhis bhau， Gau pat noms dhis oei; Goei leuu dhis daens meis。 Tangs kundhin houx he! Kous rueng zoux dans tongx houx dzuuek， Dzuuek rux hei tuens taus； Ngoux haus rix mut dziemx。 Houx tongx muux voms rueng， Ngoux haus dhis kis mut dheengs。 Houx dzaeux veengs loux vuek ta， Houx dzaeux pa loux vuek feiso。 Ngop tun meis rux rien， Giu hoek rux dhous pas。 Ngop tun pas rux rien， Giu hoek rux dhous long。Nyaen ong rux dhous pas rix ngoux puueng ha， Nyaen max rux rix ngoux puueng muens。 Tangs kun dhin houx he! Dzuuek rux hei tuens taus， Ngoux haus jieng dhong lat， Ngoux gat uengx mui。 Tix pui leuu tok dhangs， Euux rux vuek tangs kun。 Euux dzux rux dous tuuek， Euux dzux rux uengx tangs dzuuek。 Dzux rux dhin dous feis， Meis gaeus guu nyongs rien。 Giu hoek rux dhous pas， Pas gaeus guu nyongs ngens; Giu hoek rux dhous zuen。 21.女 Tangs kun dhin houx he! Dzang houx hoekk eengs leuu， Bhaus dhieng tongx muux ccm。 Gom dhieng tongx muux dzuuek， Pas dhuuk rueng tuums riu。 Pas dzuuk rueng tuums ha。 Rux rix yous dzungx meeng， Kous dems dheeng tongx tangs。 Rux taix bhangs raeus eemx bhaei guu faei， Houx kuut cus tunx。 Rux rueng cas ngunx lunx zeuu，Dzuan eemx dheuu bhaus hoekk。 22.男 Tangs kun dhin houx he! Kous muus rueng zoux dans， Bhaenghoux gaeus loux tax。 Pas dhuuk rueng tuums ha， Bhaeng houx gaeus loux kuuem。 Rux dhis dhas ais ngoux， Loux tax dhis zuens deis。 Bhai meis muux giu raus guen， Houx eengs guueng dzuen tax。 Loux tax kuuem goms dhaens， Dhaens rix bhaus pais neuu。 Pas hleuu rueng rix dziets raus kuenx， Dhaens rix dheuu guenx taix kaen fens。 Eengs ra raus rou kueix， Bhai nyuuengx guas guu cop。 Houx tongx muux nes bhuuenx， Hwaeix gaeus max ngop tangs。 23.男 Tangs kun dhin houx he! Com rix hei bhuns dhak， Gu rueng muux yous kis。 Laeis maei mak houx zoux muux oms houx， Laeis maei foms houx zoux muux ga。 Yous dheuu houx eengs max mas， Yous dheuu houx eengs bhax jien。 Dhaeu dhous duenx dhis cangs， Max vuek mas dhaeu dhong。 Max vuek mas nom raus。 Vuek mas pas guu dzao Vuek mas tieu aux gaux， Max vuek mas aux roux； Les houx eengs ngoux cop。 24.男:Tangs kun houx he! Duueng ruen hin houx euux， Dzax houx op cung dhaens zuens zaeis。 Gu muux rueng yous kis， Muux zungs caeis houx euux。 Dzux houx op cung dhaens zuens goep， Zungs ma hox zaeis nget； Hun tangs roux pet faengs。 Aux guis cas paeng rux， Vin nyeek dhuus neuu raus。 Aux guis cas pang bhaus， Vin nyeek dhuus raus ha。 Cax pas dhuus luen tuuek， Loux dzuuk loux vuek pengs gi。 25.男:Tangs kun dhin houn he! Aux mak houx loux naeps， Aux kaep houx loux men。 Bhai houx pangx eems kis， Len rux tuuen ngaeix laengs。 Caeus guas haus taix mueix， Loux houx eengs kueix guu zuen。 Bhai houx pangx eemx kis， Loux muux rueng kueix guu zungs。 Nax bhaenx dhaen ven nyeuu， Bhai meis dheuu fiengs guuk。 Rix eemx cuuk les laengx bh。 Aux go dzes ngas mun。 Loux dhoux pas zungs ruk， Loengs kuuk neix cus nyaen。 Aux cun uengx maei taeix taenx， Kuis bhaenx tus eemx jieng。 Tun bhieng pas la gans， Ngans eengs hei ngaux ngua。 Dua rueng hei mieux dheengs， Tun ghaix leengs aux bhi。 Bhang zoux mi rux max， Mi hut guu dzeeng bhaeus。 Hut koms guu haeus tuk， Tuk koms kuuengx guu gams。 Meis guu raus tau dza， Meisghai ok dhaett dzax。 Pas ghais ok dhaett mui， Max gi dis bhuuenx houx； Tix pui rux leuu guu dzuuengx。 26.男:Tangs kun dhin houx he! Gu rueng muux yous kis， Aux mak rux loux meis cop venx。 Dens rux loux meis cop fun， Tun dhin dzop rais fas， Qix pas dhis kueng reuu， Pas deuu rueng rix zens han gaux。 Dhangs taix houx loux cai gaen， Pas deuu rueng rix zens han ngaen。 Aux daen houx loux dzius， Bhaeng houx dhius los ga； Max loux guas guu naen。 27. 男:Tangs kun dhin houx he! Gu muux rueng yous kis， Aux mak rux loux gaengx raeis。 Kaeps rux loux daeis rui， Aux dheuu vuek dhuuk bhui。 Guu bhoen caeus pais neuu， Pas deuu rueng rix dziets raus kuenx。 Dhaens rix dheuu guenx taix，kaen fens。 Bhai houx pangx eemx kis， Dhaett rix doms vans zungs； Dhaett rix doms vans zuen。 Dhaett ri doms huen houx bhaeis， Laeis meis dhukhun mau。 Bhai nax guu maeis leeng， Laeis meis dhuk hun dzeeng。 Bhai aux guu maeis nyungx， Yous dzungx mas maet mas。 Neix ghaix vat max geek hun， Neix tangs kun muux haeix houx。 Nax bhaeix dhous dhong leengs， Laeis meis haux ven nyeuu。 Leuu houx eengs max miengx， Muux ngeis yous kiengx guu rei。 Muux hei tongx aux geek tax， Laeis ngeis nax longx bhaus。 Laeis daeis raus cau kuuengx cai， Aux bh«ai muux pueng faens。 Dhaens rix ngeis dou kueix， Ngeis dhaens ngueis hun heuus。 8、Tangs kun dhin houx he! Houx rien bhuuenx houx leuu， Muux rueng laeis zoux dans； Zoux dans tongx houx com。 Com rix doms ri ruuk， Dzuuek ris doms ri rok； 28. 男 Tangs kun dhin houx he! Houx tongx muux com lai faen， Engs hei dhis guas haus. Dzuuek tongx muux lai bhaus， Ghais houx pangx eemx ngop muux。 Eengs hei dhis guas rong， Guas qix dhaei dhong nax。 Guas qix dhaei vans ins， Guas dhaei max rins qien， Houx qix ngop muax rueng， Houx faeu guu dien dhuuk ranx。 Max muux rueng tai vungs， Tangskun dhin houx he! Houx qix koepp dzax tap dhongs， Muux doms zungs qix tai houx oux。 Zang ghaem guis loux dza pangx， Guis loux meis dza guu nuens。 Tangs dzuuek houx he! Guis loux mas dza zuens zaems， Loux dza mas guu aenx maei。 Guu loux rix dza dhaei lous， Dza meis pous but gat。 Dza lat max bhuuenx loux zoeis， Bhai houx pangx eemx kis。 Dza roeis max dhuk bhuuenx houx dheuu， Kous muux meuu nimsans。 29. Tangs kun dhin houx he! Dzang houx hoekk eengs leuu， Tangs dzuuek he! Com tongx muux lai bhaus， Eengs muuen dhis guas rong。 Guas dhaeix max dhong nax， Gu bhuuenx yous dzungx kis。 Guas dhaeix max vax ins， Guas dhaeix max rix qien。 Laeis faeu guu dien dhuuk ranx， Laeis zanx max koepp dzax tarns dha。 Houx rueng tai muux vungs， Gu muux youx kis； Laeis zans koepp dzax tamx dhungs。 Houx ruengs tai muux oux， Tangs kun dhin houx。 Dzang houx hoekk muux leuu， Bhuuenx houx he； Ghaem guis loux dza pangx。 Rien loux dza guu nuens， Tangs dzuuk houx he； Rien loux dza zuens za。 Rien loux dza aenx maei， Gu bhuuenx yous dzungx kis。 Tangs kun dhin houx he! Rien loux dza zuens za。 Rien loux dza aenx maei， Gu bhuuenx yous dzungx kis。 Tangs kun dhin houx he! Dza meis pous but gat， Dza lat max dhuk houx zoeis。 Dza roeis dhuk houx dheuu， Kous muux meuu nimx ans。 30. 男 Tangs kun dhin houx he! Giu neix guu zuen bhuuenx houx， Bhuuenx houx he! Com tongx muux lai faen， Eengs hei dhis guas haus； Duueng hei rux dhous pas。 Dzuuek tongx muux lai bhaus， Houx qix ngop muux rueng， Eengs hei dhis guas rong， Bhuuenx houx he! Guas dhong max ins guu ut， Tut rang max eengs eemx dhas。 Ngas rang max eengs eems nyen， Guen ram ven eengs zaemx。 Guen dhas haus houx menu， Bhuuenx houx he! Houx kueng reuu ca coms， Dhas guen max noms rix ha! Houx guueng max niens vax dit。 Laeis meis rux qix loux ra dung， Tangs kun dhin houx! Laeis meis rux rix loux ra mais Guu pais max loux ra kuueng。 Bhuuenx houx he! Duueng leuu kais ngeis。 31. 女 Tangs kun dhin houx， Dzang houx hoekk eengs leuu， Bhuuenx houx he Guas dhong ins me rueis， Hueis koms guu dhuuk qius dhengx； Tangs kun dhin houx! Muux ngop tun max nes houx rien， Ngop tun ngens。 Tangs dzuuk houx he! Eengs cop pens hei rax， Ma dhoms meis houx ghat； Duueng houx tongx eengs。 Leuu ma dheengs meis houx ghat， Tangs dzuuek houx he! Loux houx ruuen qix tuuen giu， Eemx laeis dhong tangs dzuuek， Luk foek tuuek tongx feis； Loux houx rueng rgeis pueix。 32.男 Tangs kun dhin houx he； Gu muux yous dzung kis， Houx hei guas zok noms bheeng ceek； Guas zok qix max leek dheengs caen。 Duueng rux dhous pas， Houx hei dhaens faen max meis muux maeng； Guu lik zang dzuuek ruk ruk。 Tangs dzuuek houx he! Houx op max langs ta paeus， Bhuuenx houx he! Guu dza zang dzuuek ruk ruk， Houx qix op pa veengs o Eengs dungx max dungs dzeengs haemx， Houx zaemx zeeng max jieng dhuuk tuas。 Tangs kun dhin houx he! Max qix guas tieu ma， Houx dzang guu dza zoen bhaeis。 Max qix guas tieu aeis， Tangs dzuuek houx he! Dzang guu dza qix zoen ghan， Houx rap ramx pet dhong lungs。 Houx zungs hei ngaeix puix ruuen， Bhuuenx houx he! Laeis muux tuuen muuen dhungx houx。 Tangs kun dhin houx he! Dhaens faen rix meis houx neix， Pet dhak max tuens guu taus； Dhaens bhaus meis houx neix。 Pet dhak max tuens guu unx， Dzang houx hoekk muux leuu， Dhaens yous hunx tieu ma。 Houx rueng rix tuuen haeis com， Dhaens dhong ruuen kuenx zungs， Dhaens dhong ruuen kuenx dzuuek。 Tangs kun dhin houx! Gu rueng yous kis， Bhuuenx rux rix zok ka tau， Laeis lau rux rix zok ka taepp。 Rux ngax com bhaengs pais cau， Pet max guis me cung rux。 Pet ruuen max dhungs me rop， Rux me rop max loux guen houx。 Houx ngop rueng dhuuk meis kaux， Rux me pen guu taux dhoms， Me pen max guu taux dheengs， Dzux rux max loux bhoengs zoux， Bhuuenx houx he! Dzux rux max rou houx loux rangx。 33.女 Tangs kun dhin houx he! Hei koepp eix rux vans nams， Cuis dhomd laeis fas kuis fun。 Muux qix gu tuk tuuk， Tangs dzuuek houx he! Muux rix gu tuk feis， Rux hei max meis rux zok， Laeis kaen max kok rux zaemx， Rux dzaenx haemx max zaemx hangx he。 Rux hei rix dhaens bhaus fins， Dhins rux max los dzuuek koux。 34.男 Tangs kun dhin houx he! Rux guas max zok leek dhaei dzing， Hei dhaens max ging dhin moux。 Hei dhaens haus tongx nong， Pet dhaens rix rong cui dhoms。 Zang dhaens noms max vangx gai， Laeis meis qix max dzai zans ca。 Dhaens guu ras dongx ning， Meis dzing rix pens nyaei feis。 Ngeis rak ruueix noms ca。 35.女 Tangs kun dhin houx he! Kous rux eengs dems dheeng， Rux caepp dhaens dhai bhaus toenx。 Dzang houx rueng foek riens， Dzang houx rueng fbek veengs。 Muux eengs rix foek hu kieu， Rux laeis noms dzieu rix rux kuenx zungs。 Dzang rux dzang noms gut los hei， Dhaens guu rei dhaei kuuenx。 Dhaens noms duengx kaen qien， Rux rix dhaens guu gieng haus。 Tangs kun dhin houx he! Bhaus meis rux giu laeis lai， Bhaus dhai rix laeis leuus； Laeis meis teuus rip dhenx ngou。 36. 男 Tangs kun dhin houx he! Gu rueng muux youx kis， Kous zous max dans tongx houx bhuuengx； Bhuuengx rux rix daeis ras gau。 Dzax rux taix ra dik loux zongs， Rux taix ra lung loux ngoux。 Rux roux dhangx noms dauloengx， Rux roux dhangx daux tangs， Tongx ra max hwans dhus dui。 Meis pas rux maeng rien； Rux hei dhaens qien man nax。 Meis rux gaeus rangx tax tuk， Kai pet ruk boens hoek。 Tangs kun dhin houx he! Foek feisdza rux dzeengs， Rux rien guis roux loux luei maei， Rux roux luei max vang nax； Rux roux lueo dhai vaeng ong。 37. 女 Tang kun dhin houx he! Dzang houx hoekk eengs leuu， Kous rux dems dheeng。 Tangs dzuuek houx he! Dzang houx hoekk eengs leuu， Dza rux roux dhaens qien meis kai。 Rux roux dhaens haus taix mueix， Rux tongx dhuuk max ruei tun。 Tongx max dhuuk mun vuek nyoengs， Max dhuuk max bhoengs koux rux。 Tangs kun dhin houx he! Dzux houx deuus guen max roux， Maei hoekk rux yous dzungx dhas。 Maei cas rux yous dzungx meeng， Kous dhuk ngen cat rop， Tangs dzuuk houx he! Cat rop rux loux loms hei， Hei nax maei caei gas。 Tangs kun dhin houx he! Heidhaens maei taix gus； Koepp dhuuk aux has rieus tuuk。 Dhuuk as rax zoux dhum， Ais hun houx pet zungs， Dhuuk as rax zoux lungs， Ais hun as rux pet ngau。 Dheuu koms tau rangx tax， Dhaei neix guen naeus naeus。 Caeus dhenx guen noms lung， Zoekk ka bhung mas kuut。 Uut max ngens cang duis， Tangs kun dhin houx he! Rux luis tangs pet noms dzieu， Bhuuenx houx he! Luis tangs max pet dhieu ranx。 Dat dheengs meis hei rax， Bhim max ngoms ngais meengs mi， Dat dhoms meis hei rax； Bhim ngans ngais ngis lens。 Tangs kun dhin hopx he。 Eengs dhuk max nus roux， Zoux dhuk dems gos zok。 Yous dheuu roux tok gom has， Yous dheuu rux tok gom maei。