宁德市图书馆

男：好嘺冇敢大声嘺（嘺大声），苦情冇敢讲明僚（人听），
  蛇落竹洞节节难，马过竹桥步步翘（癫）。
  女：你郎讲苦怪样生（个），郎讲苦情娘未见（未见来），
  人生那带八字命，八字若好出头天（对）。
  男：郎讲苦情娘覅听（信），讲起苦情一遍山（本经），
  蛮妻懊仔冇法治，连老出来败名声（门庭）。
  女：海水涨来脚下冰（凉），船过东海半浮沉（上），
  潭底也浩懊蛮石，世上也浩懊蛮人（娘）。
  海水涨来脚下凉（冰），船过东海水有痕（印），
  人阵来多话长短，一半信来半莫信（一半放）。
  男：娘情浩乇分郎交（具），我郎覅怕被人笑（人多咀），
  风台大雨快过浪，笑（讲）若过横就杀交（肭）。
  女：郎莫欺负阿妈变（相），欺负阿妈劢合面（当），
  后生做事节节量，老来正劢跂门墘（堂）。
  男：竹篙打水水炎炎（淋淋），别人闲话你莫听（信），
  村内人双兴讲话，冇事都好讲到嬴（真）。
  女：别人闲话娘冇听（信），只怕郎心劢端正（正心），
  郎心若正会长久，长久覅怕人偷争（情）。
  男：好偷等佢偷下手（争），怪生事情郎见叟（闲），
  浩人争田争世业，生好人双有想头（郎覅仰）。
  女：莫讲生好冇想头（娘冇贪），几多英雄劢过窍（关），
  三顿冇吃饿劢死，有郎倒倒浩乇愁（烦）。
  男：冇娘倒倒浩乇愁（烦），寮里落泊掌瓦窑（盘），
  夜里有被难天皓，日里冇粮晻就到（就到暝）。
  女：有吃冇着会过顿（浩理艾），冇郎倒倒浩乇忖（劢输欠人债），
  冇米落镬借罐煮，身边有郎多人问（心学歹）。
  男：一顿有吃正一顿（也见闲），三顿冇吃正一工（心劢烦），
  冇吃劢差娘鼐鼐，鼐鼐分郎加心痛（癫）。
  女：去年有吃至如今（到今年），讲给郎听郎覅信（听），
  三顿冇吃半挜米，倚分门外风吹眩（弹）。
  男：去年冇吃至如今（到今年），可惜冇掌娘做阵（楼边），
  若是奴娘做阵掌，尽心照顾娘个人（前）。