慈溪市图书馆

有一年夏季夜里，孙鬼头在横河七星桥桥头乘风凉，忽然听到桥下兑料（用钱换人的粪便）船上两个人讲：“听别人讲，横河格（的）孙鬼头专门调排（捉弄）人，明朝阿拉（我们）到孙家境孙鬼头家里兑料开（去），叫孙鬼头吃料，侬看样话啦（你看怎么样）？”另一个讲：“好！阿拉商量、商量。”孙鬼头一听，气得发抖。自忖忖：我跟奈（你们）无怨无仇，竟叫我吃料？好，看看我孙鬼头吃料，还是奈吃料。
  第二日，孙鬼头特地到村头等两位兑料格人。到早饭后，昨日夜里船上格两个人果然来到孙家境。
  孙鬼头上前问：“两位是勿（不）是兑料格？”两个兑料格讲：“是格！”孙鬼头问：“阿拉屋里有一缸料，要勿要？”兑料格连声讲：“要！要！要！”讲完，便跟着孙鬼头走。两个兑料格问：“喂！老伯！孙鬼头是勿是奈格村坊里格人？”孙鬼头讲：“是格，是一头（这里），是我屋隔壁。呀，奈啥事体（什么事情）？”两个兑料格面对面一笑没有讲。
  孙鬼头领着两个兑料格人东走西走，走了一个上昼（上午），到了别人家里吃过晏饭（午饭），孙鬼头方才领两个兑料格到自己屋里，叫两个兑料格坐坐，讲自己有件事体走出一会马上就来。两个兑料格坐落，看看日头已落到头上，肚里咕咕叫煞哉，饿啊饿煞哉。左等右等勿见孙鬼头回来，心里又急又饿，看见桌上放着四个焦饼。两人讲：“老伯勿来，阿拉把四个焦饼吃掉哉。伊（他）来哉钞票付伊好哉。”于是两人大口大口吃了起来，焦饼刚吃完，孙鬼头就走进来哉。两个兑料格讲：“老伯，阿拉肚子饿哉，侬格四个焦饼已吃进，多少钞票侬讲！”孙鬼头大喊一声："（这下）难西（死）哉，难西哉。我四只焦饼里头摆弄（放着）格砒霜，药老鼠格。难西哉，难西哉。”两个兑料格一听，脸孔雪白，哭哭啼啼的跪到孙鬼头面前：“老伯！老伯！救救阿拉，有勿有可解格药？”孙鬼头一听停了一会儿讲：“有是有，可看你们是勿是肯吃。”两个兑料格连忙讲：“肯吃，肯吃！哪管是粪缸里格料，阿拉也吃！”孙鬼头又讲：“是料缸里格料，勿过勿是原料，是清水料，可解毒。”两个兑料格一听清水料可解砒霜，急忙跑到外头寻清水料缸。寻着之后，两个人头碰头沿着料缸大口大口喝了起来，直喝得放裤带，才停下。
  这时，孙鬼头走过来问：“两位现在肚里痛勿痛哉？”两位兑料格讲：“勿痛！勿痛！谢谢老伯！”孙鬼头哈哈大笑起来：“你们两个饭桶，睁眼看看我是谁！我就是昨日夜里你们船行过七星桥格辰光，商量着叫我吃料格孙鬼头！”两个兑料格听得眼睛青（直）起。